Lesendur Mannlífs vilja Baldur Þórhallsson sem næsta forseta – Jón Gnarr rekur lestina

Baldur Þórhallsson yrði næsti forseti Íslands ef lesendur Mannlífs fengju að ráða.

Mannlíf setti fram skoðanakönnun í gær þar sem spurt var „Hver vilt þú að verði næsti forseti Íslands?“ og voru valmöguleikarnir Jón Gnarr, Baldur Þórhallsson, Katrín Jakobsdóttir, Halla Tómasdóttir og „Einhver annar“ en nöfnin voru valin út frá þeim einstaklingum sem hafa hlotið mest fylgi í könnunum hingað til. Þrjú þúsund lesendur Mannlífs greiddu atkvæði og fékk Baldur Þórhallsson tæp 38 prósent, Katrín Jakobsdóttir 23 prósent, Halla Tómasdóttir 19 prósent, „Einhver annar“ 13 prósent og Jón Gnarr rak svo lestina með rúm 6 prósent.