Hvað á nýja fangelsið að heita?
Eins og Mannlíf greindi frá í vikunni stendur til að byggja nýtt fangelsi við hliðina á Litla-Hrauni og mun það fangelsi hljóta nýtt nafn. Þegar við greindum frá þessu báðum við lesendur um hugmyndir að nýju nafni og fékk Mannlíf send tugi hugmynda að nöfnum. Sérstök nefnd var fengin að velja bestu tillögurnar og birtast þær hér fyrir neðan í engri sérstakri röð.
Davíð Gígja stakk upp á nafninu Ódáðahraun.
Valhöll sagði Ólafur Páll Rafnsson.
Guðrún Olga Gústafsdóttir stakk upp á fangelsið héti Grjótið.
Ylur var hugmynd frá Huldu Hauksdóttur.
Betrunarheimili Reykjavíkur og nágrennis kom frá Bergi Ísleifssyni.
Jósa Þorbjarnardóttir sagði Skammakrókur.
Bryndís Jónsdóttir kom með Rimla-rjóðrið.
Vonarholt er líklega fallegasta nafnið en það kom frá Sigrúnu Ásgeirsdóttur.
Mannlíf þakkar öllum þeim sem stungu upp á nöfnum fyrir framlagið.