Lögreglu barst tilkynning vegna líkamsárásar í Vatnsmýri. Var árásin talin minniháttar og afgreiddu lögreglumenn málið á vettvangi. Var þetta meðal helstu tíðinda frá lögreglunni á höfuðborgarsvæðinu frá klukkan 17:00 í gær til klukkan 05:00 í morgunn.
56 mál voru skráð í kerfi lögreglu en eitthvað var um aðstoðarbeiðnir vegna veikinda og svo vegna fólks í annarlegu ástandi
Tilkynning barst frá Efra-Breiðholti vegna óðs manns er stóð í hótununum. Var hann handtekinn og vistaður í grjótinu.
Innbrot og þjófnaður var framið í Kópavogi. Gerandi er ókunnur.
Óskað var eftir aðkomu lögreglu eftir umferðaslys var í Kópavogi. Reyndist fólk lítillega slasað og ætlaði sjálft að leita skoðunar á bráðamóttöku.
Umferðaeftirlit lögreglu var venju samkvæmt. Einn ökumaður var stöðvaður í póstnúmeri 105 og reyndist hann vera með útrunnin ökuréttindi. Annar var stöðvaður í miðborginni fyrir að aka á móti rauðu. Í Grafarvogi var einn ökumaður stöðvaður fyrir of hraðan akstur, hann mældist á 81 km/klst þar sem hámarksökuhraði er 50 km/klst.