- Auglýsing -
Björn Leví líkir ungum Sjálfstæðismönnum við gamla íhaldskennarann í Gaggó Vest.
Ungir Sjálfstæðismenn birtu eitthvað sem virðist eiga að vera vísa, í story hjá sér á Facebook, þar sem þeir segjast vona að Píratar hverfi af þingi, rétt eins og Björt Framtíð. Björt Framtíð þurrkaðist út af þingi á sínum tíma eftir að flokkurinn sleit samstarfi sínu við Sjálfstæðisflokkinn eftir að ærumálið kom upp.
Björn Leví birti vísuna og gerði góðlátlegt grín að henni, með því að vitna í Gaggó Vest:
„Kennari:
Kond uppað töflunni hvað sem þú heitir
þú minnir á púk’a- og öfgasveitir.
Af hverju er haus á herðum þínum?
Taktu nú vel eftir orðum mínum:
Þú verður aldrei annað en rukkari, róni
eða þaðan af verra,
rugguhestur og uxakerra.
Ó kennari minn þá kveð ég þig nú
með kurt og pi og segi I love you.
Ich Liebe dich, Je taime, ég elska þig.
Er nokkur von til þess að þú elskir mig?
—-
Einhverra vegna minnir þessi ósk ungra sjálfstæðismanna mig á þennan texta úr Gaggó vest. Píratar að fara í pirrurnar á gamla íhaldskennaranum …“
Þorbjörn nokkrum fannst lítið til vísunnar koma og skrifaði athugasemd: „Þau þurfa a.m.k. að verða sér úti um betri hagyrðing…“
Þessu svarar ljóðskáldið Ingunn Snædal, sem eðli málsins samkvæmt veit sitthvað um kveðskap.: „Úff, já. Þetta er hroðalega vont.“
Hér má sjá vísuna:
- Auglýsing -
