- Auglýsing -
Logi Einarsson formaður Samfylkingarinnar fer hörðum orðum um VG, segist hafa búist við betri hlutum frá þeim en, að hans mati, raun ber vitni:
„Það er ósvífin smjörklípa hjá þingmönnum VG, að reyna nú að beina allri athyglinni af sóðalegri bankasölu, á Bankasýslu ríkisins,“ segir Logi.
Hann bætir við að ábyrgðin liggi klárlega hjá Bjarna Benediktssyni fjármálaráðherra og formanns Sjálfstæðisflokksins:
„Vissulega þarf að skoða vinnubrögð hennar mjög vel en á endanum er það fjármálaráðherra sem ber ábyrgð á þessari sölu – og hana verður ráðherra að axla.“
Logi segir að „ég hafði satt að segja örlítið meiri trú á VG en að þau mundu seilast svona langt til að verja Bjarna Benediktsson, Sjálfstæðisflokkinn og stólana þrjá! En svo lengi lærir sem lifir.“