Ekkert verður af blaðamannafundi ríkislögreglustjóra sem til stóð að færi fram síðar í dag. Fréttablaðið greinir frá þessu en að sögn Karl Steinars Valssonar þá stóð til að senda út fréttatilkynningu þess efnis síðar í dag. Fundurinn átti að fara fram klukkan 15 en Karl Steinar vildi ekkert segja um ástæðuna.
Óhætt er að segja að þetta útspil valdi enn meiri efasemdum um málið, sem hefur vakið tortryggni margra frá upphafi. Að sögn Fréttablaðsins verður fundir þó haldinn á morgun. Gæsluvarðhald yfir einum af tveimur mönnum, sem lögregla fullyrti að væru stórhættulegir, rennur út síðar í dag.
Karl Steinar vildi ekki upplýsa hvort sá maður myndi ganga laus í kvöld eða hvort lögregla fari fram á lengra gæsluvarðhald. Því yrði svarað í fréttatilkynningu.