Lögreglan á höfuðborgarsvæðinu lofaði í nótt eiganda skemmtistaðar í miðbænum að skrifuð yrði skýrsla um ástandi þar. Enginn af dyravörðu var með réttindi og voru allt of margir inn á staðnum. Annars var nóttin frekar róleg ef marka má dagbókina. Ekki kemur fram hvaða skemmtistaður þetta var.
Ljóst er að lögregla hafði í mörg horn að líta í nótt. Dagbókarfærsla lögreglunar um ástandið í miðsvæðis í Reykjavík í nótt hljóðar svo:
Lögreglustöð 1 Austurbær Vesturbær Miðborg Seltjarnarnes
Tilkynnt um minniháttar umferðaróhapp í hverfi 108. Ökumaður grunaður um ölvun við akstur, hann handtekinn og vistaður í fangaklefa vegna rannsókn þessa máls.
Lögregla hefur afskipti af ökumanni bifreiðar sem ók gegn rauðu ljósi í hverfi 104. Ökumaður blés yfir mörkum, hann handtekinn grunaður um ölvunarakstur.
Tilkynnt um aðila sem var til vandræða í verslunarkjarna í austurbæ, ekki voru neinar kröfur og því var aðila vísað á brott.
Tilkynnt um geltandi hund í fjölbýlishúsi í hverfi 170, lögregla fer á vettvang en náði ekki sambandi við húsráðanda.
Tilkynnt um ógnandi mann sem neitaði að yfirgefa húsnæði í hverfi 105. Aðilinn var áberandi ölvaður þegar lögregla kom á vettvang en hann bregst illa við afskiptum og lemur í lögreglubifreið. Aðilinn handtekinn og fluttur á lögreglustöð þar sem vakthafandi varðstjóri ræddi við hann. Að viðræðum loknum var aðilanum ekið til sín heima.
Tilkynnt um líkamsárás í hverfi 105, lögregla fer á vettvang og tveir aðilar handteknir og gista fangaklefa.
Tilkynnt um öldauðan einstakling fyrir utan veitingastað í hverfi 108.
Lögregla sinnir veitingahúsaeftirliti á sjö veitingahúsum í miðborginni og kannar réttindi dyravarða. Þrír einstaklingar í miðbænum sinntu dyravörslu án þess að vera með tilksilin réttindi. Inni á einum veitingastað voru of margir gestir þegar lögregla kom á vettvang. Ábyrðgaraðila kynnt að skýrsla yrði rituð vegna brots á lögum um veitingastaði og hann látinn vita að ef lögregla kæmi aftur á vettvang og ekki yrði gætt að gestafjölda yrði veitingastaðnum lokað.
Bifreið stöðvuð í hverfi 101 en ökumaður er grunaður ölvunar- og vímuefnaakstur.
Tilkynnt um aðila sem braut rúðu á hóteli í hverfi 101 og var með ógnandi tilburði. Þegar lögregla kom á vettvang gaf hún sig á tal við gerandann, sem reyndist ölvaður og óviðræðuhæfur. Gerandinn handtekinn, grunaður um eignaspjöll. Þegar flytja átti gerandann á lögreglustöðina við Hverfisgötu hrækti gerandinn í andlit lögreglumanns sem sat við hlið hans í lögreglubifreiðinni. Gerandinn vistaður í fangaklefa.
Minniháttar líkamsárás á skemmtistað í hverfi 101, gerandinn farinn af vettvangi en árásarþoli kvaðst vita hver gerandinn var. Árásarþola tjáð að sækja sér áverkavottorð og panta tíma í kærumóttöku.
Vegfarandi verður vitni af slagsmálum við akbraut í hverfi 108. Lögregla fer á vettvang og rannsakar málið.“