- Auglýsing -
Lögreglan á höfuðborgarsvæðinu lagði hald á mikið magn fíkniefna við húsleitir í umdæminum í síðustu viku.
Samkvæmt tilkynningu frá lögreglunni er um að ræða sjö kíló af amfetamíni og um 40 kíló af marijúana, auk annarra fíkniefna sem og frammistöðubætandi efna. Í þessum aðgerðum gegn skipulagri glæpastarfsemi, voru fimm einstaklingar handteknir og fjögur þeirra úrskurðuð í Héraðsdómi Reykjavíkur í gæsluvarðhald til 16. febrúar, í þágu rannsóknarinnar. Hinir hanteknu eru grunaðir um að hafa staðið að framleiðslu fíkniefna, sem og sölu og dreifingu þeirra.
Við minnum á upplýsingasíma lögreglu 800 5005. Í hann má hringja nafnlaust til að koma á framfæri upplýsingum um skipulagða brotastarfsemi, eða önnur brot sem fólk hefur vitneskju um.