- Auglýsing -
Lögreglan á höfuðborgarsvæðinu lýsir eftir Harijs Graikste, 28 ára, frá Lettlandi, en fyrir liggur staðfest ákvörðun um að verða við beiðni um afhendingu á honum til Lettlands á grundvelli evrópskrar handtökuskipunar. Harijs er ekki talinn hættulegur.
Þau sem geta gefið upplýsingar um ferðir Harijs, eða vita hvar hann er að finna, eru vinsamlegast beðin um að hafa samband við lögregluna í síma 112.
Harijs er jafnframt hvattur til að gefa sig fram hjá lögreglu.