- Auglýsing -
Lögreglan rannsakar mannslát í Þingholtunum.
Samkvæmt upplýsingum lögreglunnar var hún kölluð að húsi í Þingholtunum á sjöunda tímanum í morgun. Þaðan hafði borist kvörtun um hávaða og háreysti frá íbúð í húsinu. Er lögregla kom á staðinn reyndust þrír menn vera í íbúðinni en einn þeirra var meðvitundalaus og með litlum lífsmörkum. Sjúkrabíll var þegar í stað kallaður til en lögreglan hóf endurlífgun sem hélt áfram þegar sjúkraflutningamenn komu á vettvang.
Stuttu síðar var maðurinn úrskurðaður látinn á bráðamóttöku Landsspítalans. Voru tveir menn handteknir á vettvangi og fluttir í fangageymslu. Rannsókn málsins er í fullum gangi.
Lögreglan mun ekki tjá sig meira um málið að svo stöddu.