Lögreglan stöðvaði hópslagsmál í Fjölbrautaskóla Suðurnesja – Annað skiptið á þremur vikum

Lögreglan var kölliuð til vegna hópslagsmála í Fjölbrautaskóla Suðurnesja.

Þórir Þorsteinsson, aðalvarðstjóri lögreglunnar á Suðurnesjum staðfesti við mbl.is að tveir lögreglubílar hafi verið sendir í FS vegna hópslagsmála sem þar brutust út. Um var að ræða sjö þátttakendur í slagsmálunum.

„Það var til­kynnt um ein­hverj­ar rysk­ing­ar á milli ein­hverra aðila. Ekk­ert meira hef ég í hönd­um,“ seg­ir Þórir við mbl.is og bætir við að slagsmálin séu nýafstaðin og ekki komin almennileg mynd á atvikinu enn.

Formaður Nemendafélags Fjölbrautaskóla Suðurnesja, Hermann Borgar Jakobsson staðfesti við mbl.is að lögreglan hafi einnig verið kölluð til fyrir þremur vikum vegna hópslagsmála á nýnemakvöldi nemendafélagsins.