Loksins hægt að kaupa strætóferð snertilaust á Íslandi – Ungmenni skilin útundan

Nú er loksins með fullu hægt að greiðslukortum í Strætó en Ísland stígur þá loksins inn í 21. öldina þegar kemur að þessum málum en greiðslulausn þessi hefur verið í prófun í nokkra mánuði. Hægt hefur verið að borga á þennan máta í mörgum vestrænum löndum í meira en áratug.

Samkvæmt tilkynningu frá Strætó verður hægt að borga snertilaust með kortum í gegnum Klapp appið, sem hefur verið harðlega gagnrýnt af notendum, og er hægt að setja inn kort frá Visa, Mastercard og Europay. Einnig verður hægt að notast við Apple Pay og Google Pay.

„Miðinn gildir í 75 mínútur þannig ef þú skiptir um vagn og skannar kortið á nýjan leik innan þessara 75 mínútna, þá er ekki rukkað fyrir nýjan miða. Skanna skal kortið í hvert skipti sem stigið er um borð í nýjan vagn,“ segir á vefsíðu Strætó um málið. Gildir þetta þó aðeins um strætisvagna á höfuðborgarsvæðinu. Venjulegir posar eru staðar í landsbyggðarvögnum.

Galli á gjöf Njarðar er þó að aðeins er hægt að kaupa eitt fullorðinsgjald í einu og sitja ungmenni því eftir með sárt ennið.