Læknir á kvöldgöngu með vinafólki varð fyrir hnífaárás eftir að hafa átt í orðaskaki við karlmann á rafhlaupahjóli.
Samkvæmt frétt Vísis kom upp ágreiningur milli karlmanns á rafhlaupahjóli og tvennra hjóna í kvöldgöngu á föstudagskvöldið. Varð það til þess að sá á rafhlaupahjólinu, maður á þrítugsaldri, tók upp hníf og stakk lækni um fimmtugt í maga og í háls. Vinur mannsins réðist þá á hnífamanninn og skarst við það á hendi.
Atvikið átti sér stað á göngustíg við Sæbólsbraut í Kópavogi um klukkan hálf ellefu á föstudagskvöldið.
Læknirinn sem stunginn var, hlaut alvarleg sár á hálsi og maga en vinur hans náði að hafa hnífamanninn undir, samkvæmt heimildum Vísis.
Atburðarásin er enn óljós að sögn Elína Agnesar Kristínardóttur, aðstoðaryfirlögregluþjóns hjá miðlægri rannsóknardeild á höfuðborgarsvæðinu. Fram undan séu skýrslatökur yfir árásarmanninum og vinunum tveimur sem slösuðust.
Hnífamaðurinn verður í gæsluvarðhaldi til föstudags.