- Auglýsing -
Kaupmaðurinn Magni Reynir Magnússon lést á Landspítalanum 16. apríl, 88 ára að aldri. Fæddist hann í Reykjavík þann 5. nóvember árið 1935 og ólst upp í vesturbænum.
Magni var lengi vel órjúfanlegur partur af Laugarveginum en hann rak spilabúðina „Hjá Magna“ ásamt eiginkonu sinni, Steinunni Guðlaugsdóttur, frá árinu 1978 til 2006 er hann seldi verslunina. Hún lokaði svo tveimur árum síðar. Áður rak hann Frímerkjamiðstöðina á Skólavörðustíg með viðskiptafélögum sínum, þar sem hann seldi frímerki, myntir og aðra safnmuni.
Magni lætur eftir sig eiginkonuna Steinunni, sem fædd er árið 1942, og þrjú uppkomin börn: Oddnýju Elínu, fædda 1964, Guðmund Hauk, fæddan 1969 og Ingibjörgu, fædda 1974, sex barnabörn og þrjú barnabarnabörn.