Þorkell Máni Pétursson, umboðsmaður og stjórnarmaður KSÍ, virðist vera búinn að fá upp í kok af íslenskum stjórnmálum en fjölmiðlamaðurinn fyrrverandi tjáð sig um þau á samfélagsmiðlinum Twitter í gær. Í framhaldi þess að Bjarni Benediktsson, forsætisráðherra Íslands, sagðist hafa slitið ríkisstjórnarsamstarfi Sjálfstæðisflokksins við Framsóknarflokkinn og Vinstri Græn.
„Þetta er ekki boðlegt. Þessar kosningar munu engu breyta offramboð af miðlungsfólki sem hefur ekkert til málanna að leggja og vill engu breyta,“ skrifaði Máni. „Það er ekki neitt hægri/ vinstri á íslandi. Það þarf að breyta kerfinu mikilvægt að fólk sitji heima eða fari og skili auðu. Það er komið gott að þessu rugli.“
Í framhaldi þess sagði Twitter-notandinn Bomban að Sjálfstæðisflokkurinn væri hægri flokkur en Máni svaraði því að Sjálfstæðisflokkurinn væri íhaldssamur ríkisflokkur og aðeins einn kapítalisti væri í flokknum en sagði ekkert um nafn þess einstaklings.
„Ef þessar kosningar eiga að vera spennandi þá legg ég til að auðir seðlar telji sem atkvæði. s.s 10% mæta og skila auðu og við fækkum um 7 þingmenn,“ sagði Máni svo að lokum en fjörugar umræður sköpuðust á Twitter-síðu hans vegna þessara ummæla.