„Af gefnu tilefni, þar sem mynd af mínum titilhöfum hefur verið notuð í leyfisleysi vil ég koma því á framfæri að hvort ég né keppnin mín Ungfrú Ísland erum á nokkurn hátt tengd þessari skemmtistaðakeppni!“ ritar Manuela Ósk Harðardóttir, framkvæmdastjóri og eigandi Ungrfrú Íslands, í færslu á Instagram.
Manuela Ósk greinir frá því að hún hafi sent aðstandendum keppninnar Miss Bikini Iceland, þeim Sverri Einari Eiríkssyni og Ásdísi Rán Gunnarsdóttur beiðni þess efnis að mynd sem notuð er í markaðskyni keppninnar Miss Bikini Iceland verði fjarlægð. „Eitthvað sem ég kem ekki nálægt og fer í raun gegn öllum mínum gildum í bransanum,“ útskýrir hún frekar.
„Ég hélt að allir sem hafa rekið fyrirtæki af þessum (eða í raun bara einhverjum) toga ættu að vita að þetta er brot á höfundarétti og er ólöglegt.“
„Ég hef unnið virkilega hörðum höndum í 8 ár við að byggja upp brand sem snýst um valdeflingu kvenna sem vilja vera jákvæðar og sterkar fyrirmyndir og láta gott af sér leiða, ásamt því að vinna í sjálfum sér og mynd sterk og falleg vinasambönd,“ skrifar Manuela Ósk og er að vitna í starf og vinnu sínum við samkeppnina Ungfrú Ísland.
Manuela Ósk segir að forsvararmaður bikíníkeppninnar sem haldin er á skemmtistaðnum EXIT club hafi sagt henni að hún væri bara með drama, drama út af þessu. „Einmitt það já,“ skrifar hún í lok færslunnar.