Matvælastofnun varar við neyslu á sænsku sælgæti sem selt er í öllum helstu matvöruverslunum landsins.
„Matvælastofnun varar við neyslu á einni framleiðslulotu af S-märkte orginalet Surt skum 70g sem heildverslun Core ehf. flytur inn vegna aðskotarhlutar sem fannst í vörunni. Fyrirtækið hefur innkallað vöruna af markaði í samráði við heilbrigðiseftirlit Garðarbæjar, Hafnarfjarðar, Kópavogs, Mosfellsbæjar og Seltjarnarnes (HEF).
Innköllunin á eingöngu við um eftirfarandi framleiðslulotu:
Vörumerki: Candy people
Vöruheiti: S-Märke Surt skum 70 g
Innflytjandi: Core heildssala
Best fyrir dagsetning/lotunúmer: 02-11-2022 / 231102
Dreifing: Bónus, Hagkaup, Krónan, Iceland, Krambúðir, Kvikk, 10-11, Extra24, Fjarðarkaup, N1, Olís, Melabúðin og Heimkaup.“
Þetta segir í tilkynningu frá Matvælastofnun en nokkrir hafa deilt myndum á Facebook af umræddum aðskotahlut sem virðist vera einhversskonar tréspýta.
Þeir sem keypt hafa vöruna eru beiðnir um að neyta hennar ekki heldur skila henni í verslun eða á skrifstofu Core heildsölu.
