Meint skattaundanskot í tengslum við Airbnb-íbúðaleigu, nema nú alls 700 milljónum króna hér á landi.
Moggabloggarinn og framhaldsskólakennarinn Páll Vilhjálmsson hefur undanfarið farið mikinn á bloggsíðu sinni þar sem hann sakar Sigríði Dögg Auðunsdóttur, fréttakonu á RÚV og formann Blaðamannafélags Íslands, um að hafa skotið 100 milljónum króna undan skatti í gegnum Airbnb-íbúðir sínar.
Sjá einnig: Páll Vilhjálmsson ásakar Sigríði Dögg um að hafa vantalið 100 milljónir til skatts
Mannlíf spurði skattrannsóknarstjóra út í skattaundanskot í gegnum Airbnb hér á landi. Samkvæmt þeim upplýsingum sem miðillinn fékk, nema gjaldabreytingar í málum er rekja má til gagna frá Airbnb, nú alls ríflega 700 milljónum króna. Að baki þeirri fjárhæð eru um 170 mál sem þýðir ríflega 4 milljóna króna gjaldabreytingu að meðaltali á hvert mál. Í alls níu málum nema gjaldabreytingar hærri fjárhæðum en 10 milljónum króna. Þá er nokkur fjöldi mála er enn til meðferðar hjá Skattinum.
Eins og fram hefur komið í fréttum Mannlífs hefur Sigríður Dögg ekki svarað spurningum miðilsins vegna ásakana Páls Vilhjálmssonar.
Sjá einnig: Sigríður Dögg svarar ekki ásökunum um skattaundanskot