Ummæli framhaldsskólakennarans Helga Helgason, vegna Söngvakeppni sjónvarspins, hefur valdið mikilli reiði meðal fólks á samfélagsmiðlunum en þar kallar hann Bashar Murad „grenjandi og illa skeindann Palestínuaraba.“
Helgi Helgason, kennari við Menntaskólann að Laugarvatni og fyrrverandi formaður Íslensku þjóðfylkingarinnar, skrifaði færslu á Facebookhóp fylkingarinnar á laugardaginn, þar sem hann hlekkjar við frétt mbl.is þar sem upplýst er um að framkvæmdarstjóri Söngvakeppninnar hafi hjálpað Bashar Murad að fá tilskilin leyfi svo hann gæti tekið þátt í keppninni. Í færslunni, sem hann hefur síðan breytt og mildað, spyr hann hvort úrslitunum verði hagrætt í keppninni. Og bætir svo við: „Ætla þeir á RÚV að láta grenjandi og illa skeindann Palestínuaraba vinna?“ Á öðrum stað segir hann um Stefán Eiríksson, útvarpsstjóra: „Og útvarpsstjóri mun hann kyngja því eins og gleðilkona í rauðahverfinu í Amsterdam?“ Þá talar hann niður til hjálparsamtakanna Solaris og No Borders, sem hann segir að fái milljónir frá Hamas.
Skjáskot af ummælum kennarans hefur verið í dreifingu á samfélagsmiðlunum í dag. Samkvæmt heimildum Mannlífs hafa fjölmargir sent tölvupóst á skólameistara Menntaskólans að Laugavatni, Jónu Katrínu Hilmarsdóttur, þar sem bent er á færsluna.
Jóna Katrín svaraði ekki þegar Mannlíf hringdi í hana í dag og enn hefur hún ekki svarað tölvupósti sem miðillinn sendi á hana fyrr í dag. Þá hefur Helgi Helgason ekki heldur svarað tölvupósti Mannlífs. Einstaklingur, sem ekki vill láta nafn síns getið fékk hins vegar svar frá Jónu Katrínu, sem og aðrir aðilar sem hafa sent henni póst. Í svari hennar þakkar hún fyrir tölvupóstinn og segist slegin. „Ég er virkilega slegin yfir þessu máli,“ skrifaði hún og sagði skólayfirvöld líta málið alvarlegum augum og að það yrði fjallað um málið í dag.
Hér má sjá svarið í heild sinni:
