Það styttist óðum í alþingiskosningar en þær verða haldnar þann 30. nóvember næstkomandi og hefur Maskína birt nýjustu skoðanakönnun sína.
Þar eru nokkrir hlutir sem vert er að benda á. Ekki mælist lengur marktækur munur á fylgi Viðreisnar og Samfylkingarinnar og þá vekur athygli að Miðflokkurinn heldur áfram að tapa fylgi en hann mældist með 17% í lok október en aðeins 12,6% núna. Þá bætir Sósíalistaflokkurinn verulega við sig og mælist með 6,3% fylgi og Píratar skríða yfir 5% þröskuldinn.
Því miður fyrir Vinstri Græn mælist flokkurinn aðeins með 3,4% fylgi.
Hægt er að sjá fylgi flokkanna samkvæmt Maskínu hér fyrir neðan
Framsókn – 7,3%
Viðreisn – 19,9%
Sjálfstæðisflokkurinn – 13,4%
Flokkur fólksins – 9,2%
Sósíalistaflokkurinn – 6,3%
Lýðræðisflokkurinn – 2,1%
Miðflokkurinn – 12,6%
Píratar – 5,1%
Samfylkingin – 20,1%
Vinstri Græn – 3,4%
Ábyrg framtíð – 0,6%
