Háværar umræður hafa skapast í íþróttasamfélaginu undanfarnar vikur um þátttöku Víkings í Evrópukeppni í fótbolta. Ástæðan var sú að mögulegt var að liðið spilaði þá heimaleiki sem framundan eru erlendis vegna þess að enginn íslenskur knattspyrnuvöllur, fyrir utan Laugardalsvöll, stenst þær kröfur sem UEFA setur. Ekki verður þó hægt að spila leikinn á Laugardalsvellinum þar sem verður farið í framkvæmdir á honum því tímabili sem Víkingur spilar heimaleiki sína.
Mögulegt var að hægt væri að keppa á heimavölli Breiðabliks en til þess að slíkt gangi eftir þarf að leigja ljósabúnað sem gæti kostað allt að 50 milljónum króna. Haraldur Haraldsson, framkvæmdastjóri Víkings, hefur sagt að félagið hafi ekki efni á því en félagið vill að íslenska ríkið og Reykjavíkurborg borgi brúsann. Rétt er taka fram að félagið fær mörg hundruð milljónir í kassann fyrir þátttöku sína í þessari keppni.
Því spurði Mannlíf lesendur sína í gær: Eiga stjórnvöld að taka þátt í kostnaði Víkings í Evrópukeppni í fótbolta?