- Auglýsing -
Þjóðfélagið er enn og aftur komið á hliðina vegna fyrirhugaðra launahækkanna æðstu ráðamanna landsins en ljóst er að laun Katrínar Jakobsdóttur forsætisráðherra mun hækka um 156 þúsund krónur á mánuði. Björn Birgisson er, eins og lang flestir venjulegir Íslendingar, afar ósáttur við þessa staðreynd.
Samfélagsrýnirinn frá Grindavík, Björn Birgisson skrifaði stutta en hnitmiðaða færslu á Facebook þar sem hann segist hafa fengið 10.039 króna hækkun á sínum kjörum á meðan Katrín mun fá mun hærri upphæð. Færsluna má lesa hér að neðan.
„Nú er mikið rætt um launahækkanir.
Um síðustu áramót boðaði Tryggingastofnun ríkisins 7,4% hækkun á greiðslum til eldri borgara og öryrkja, en sú hækkun var boðuð í fjárlögum ríkisins fyrir 2023.
Mín hækkun varð 10,039 krónur.
Tíu þúsund krónur og þrjátíu og níu krónur að auki.
Katrín Jakobsdóttir á að fá 156 þúsund krónur til að mæta sömu hækkunum sem orðið hafa í þjóðfélaginu.
Ég ætla að kaupa ælupoka fyrir mína hækkun!“