Mikinn reyk leggur frá eldi sem er kominn upp í Blesugróf

Þessa stundina eru viðbragðsaðilar að kljást við eld sem kviknaði í húsnæði við Blesugróf 25.

Lögreglan á Höfuðborgarsvæðinu biður fólk að halda sig frá eldstað til að tryggja aðkomu viðbragðsaðila til- og frá vettvangi auk þess að tryggja lögreglu og slökkviliði vinnufrið.

Mikinn reyk leggur frá eldstað og lögreglan fer þess á leit við nágranna að loka gluggum.