Lögreglan á höfuðborgarsvæðinu er ennþá að leita að My Ky Le að sögn DV.is en ekkert er vitað um ferðir hans síðan á föstudag en hans var leitað með þyrlu í Skerjafirði samkvæmt mbl.is.
„Lögreglan á höfuðborgarsvæðinu lýsir eftir My Ky Le, 52 ára, en ekkert er vitað um ferðir hans frá því um hádegi á föstudag. My Ky Le, sem er til heimilis að Bústaðavegi 49 í Reykjavík, er tæplega 170 sm á hæð og 70-75 kg. Hann er svarthærður, með brún augu og húðflúr á vinstri handlegg. Ekki er vitað um klæðnað hans en líklegast er hann með derhúfu. Hann hefur yfir að ráða bifreiðinni FK-U20 sem er hvít Mazda 3 og sást til hennar nálægt Álftanesi síðdegis á föstudag.
Þau sem geta gefið upplýsingar um ferðir My Ky Le eru beðin um að hafa samband við lögregluna í síma 112.“