Sara Oskarsson, fyrrverandi þingmaður Pírata, segir að níu ára dóttur hennar og vinkonu hafi verið bolað út úr fótboltanámskeið síðasta sumar. Svo virðist sem námskeiðið hafi verið haldið á vegum Gróttu en Sara merkið félagið í færslunni á Facebook þar sem hún greinir frá þessu. Einnig deilir hún myllumerkinu #sannarsögurúríþróttum en undir því merki hafa konur verið að deila sögum af kvenfyrirlitningu innan íþróttahreyfingarinnar.
Sara skrifar: „Dóttur minni 9 ára og vinkonu hennar var bolað út úr fótboltanámskeiði sl. sumar af strákunum og þjálfurunum (þær voru einu stelpurnar á námskeiðinu).
Þær fengu aldrei boltann sendan til sín og upplifðu allan tímann að þær væru ekki velkomnar af karlkyninu. Þær neituðu svo að mæta undir lok námskeiðsins.
Segjum sögur af upplifun kvenna í íþróttum og viðmótinu sem þeim oft mætir.
#sannarsögurúríþróttum Grótta“