Athugull neytandi, staddur í Nettó í Borgarnesi, rak á dögunum augun í verðmun á því er virðist vera nákvæmlega sama varan, þó merkt á mismunandi tungumáli. Um ræðir Sirius rjómasúkkulaði með hesilhnetum og rúsínum annars vegar og hins vegar Traditional Icelandic Chocolate – Milk Chocolate with raisins & hazelnuts hinsvegar.
Stærð súkkulaðsins í íslensku umbúðunum er 150 gr og stærð súkkulaðsins í ensku umbúðunum 100 gr.
150gr rjómasúkkulaðsins – 2793 kr/kg | 100 gr Milk Chocolate – 4590 kr/kg
Verðmunur kílóverð súkkulaðsins er 1797 kr/kg. Mannlíf leitaði svara til Auðjóns Guðmundssonar, framkvæmdarstjóra markaðs- og sölusviðs Nóa Siríusar.
„Já, nú þekki ég ekki þetta dæmi nákvæmlega, en við megum auðvitað ekki hafa áhrif á verðlagningu verslana. Þannig þeim er það í sjálfsvald sett hvernig þau stilla þessu upp.“ Hann bætir því við að eðlilegt sé að minni einingar vera dýrari per kílóverð. „… Og svo hitt, við borgum aukalega fyrir notkun á myndum og öðru slíku þar sem við erum ekki að borga af hinu, [íslensku umbúðunum]“ útskýrir Auðjón.
Aðspurður hvort verðmunur væri á vörunum frá þeim til verslana, svarar hann játandi, en gat ekki svarað hver hann væri þar sem hann var staddur í bíl.