Nýjar ljósmyndir frá „hryllingnum á Höfða“: „Eigendur svara ekki lögreglu“

Steinunn Árnadóttir birti nýjar myndir af því sem hún kallar „hryllinginn á Höfða“. Segir hún eigendur kindanna ekki svara lögreglunni.

Hestakonan og orgelleikarinn Steinunn Árnadóttir birti í gær nýja færslu af ástandinum á Höfða í Borgarfirði en bændur á bænum hafa verið gagnrýndir fyrir að hafa mun fleiri kindur en fjárhúsin ráða við og fyrir að sinna þeim ekki sem skyldi. Kindurnar virðast vera á vergangi um sveitina. Þá hefur Matvælastofnun verið harðlega gagnrýnd, meðal annars af dýralækni, fyrir að gera ekkert í málinu og í raun leyfa þessu að viðgangast. Í færslu sinni segir Steinunn meðal annars frá kind sem bar lömb við vegkant og spyr hvað bíði þeirra.

Bændurnir hafa neitað ásökunum um illa meðferð á dýrum sínum og að sagt að nóg pláss sé fyrir þau í fjárhúsi þeirra. Þá hafa þeir sakað Steinunni um aðför og um að vera „athyglissjúka“ og „bilaða“.

Sjá einnig: Segja MAST ekkert gera vegna illrar meðferðar á kindum: „Þetta er bara aðför að okkur“

Færsla Steinunnar í heild sinni:

„Framhald: Hryllingurinn á Höfða

1. Kindur lokaðar inni vatnslausar. Nágrannar létu vita. Eigendur svara ekki síma. Eigendur svara ekki lögreglu.

2. Kindur á kerru hjá nágranna bíða eftir að eigendur nái í þær. Grindhoraðar í tveimur reifum. Eigendur svara ekki síma. Eigendur svara ekki lögreglu.

3. Nýborin kind við vegkantinn. Hún var heppin að gera borið sjálf. Lömbin eru ekki eins heppin. Hvað bíður þeirra?“