Fyrirhugaður landsleikur Íslands við Ísrael í mars hefur verið mikið til umræðu undanfarnar vikur en telja margir telja að Ísland eigi að neita spila við Ísrael í ljósi þess að stjórnvöld þar í landi hafi drepið 30 þúsund Palestínumenn á undanförnum mánuðum. Þorvaldur Örlygsson, nýkjörinn formaður KSÍ, telur að þetta sé alfarið ákvörðun UEFA.
„Þetta er stórt og mikið starf og mikil ábyrgð í kringum það, þetta er alltaf að stækka og stækka og miklar kröfur. Leikurinn er allavega ekki spilaður í Ísrael, það er leikur sem við höfum ákveðið fara og reyna vinna þann leik. Það snýst um það. Síðan er það undir UEFA að taka ákvörðun um hvort leikurinn fer fram eða ekki,“ sagði Þorvaldur við Vísi um landsleikinn.
Þorvaldur var svo í framhaldinu spurður hvort honum þyki einkennilegt að leikurinn fari fram.
„Við skráum okkur í þetta mót og við tökum þátt í þeim mótum sem við erum skráðir í og ég tel að sambandið, núna eins og staðan er í dag, við förum í það. Það eru kröfur að við mætum og við ætlum að leggja okkur fram. Ég held að það sé besta lausnin að reyna vinna leikinn og komast áfram,“ en Þorvaldur hefur í gegnum tíðina verður þekktur fyrir að þora hafa skoðanir á hlutum og segja hlutina beint út.