- Auglýsing -
Sólveig Anna Jónsdóttir, formaður Eflingar, sendi frá sér tölvupóst í gærkvöldi. Tölvupóstinn sendi hún félagsmönnum en höfðu hátt í 500 félagsmenn undirritað skjal þar sem óskað var eftir fundi. Í póstinum kemur fram að stjórn Eflingar hyggst koma saman til þess að ákveða boð og tímasetningu félagsfundar. Morgunblaðið greindi frá málinu.
Þá hefur komið fram að til stæði að leggja til vantrauststillögu á hendur Sólveigar Önnu. Agnieszka Ewa Ziólkowska, varaformaður Eflingar, sagði í samtali við Vísi að fólk væri hneykslað á Sólveigu. „Hún er bara að reyna að losna við alla sem eru á annarri skoðun en hún“.