Lögreglan greinir frá ýmsu í dagbók sinni en hér fyrir neðan má finna það helsta að mati hennar.
Tilkynnt var um innbrot í bifreið. Eigandi bifreiðarinnar kom á lögreglustöð og gaf lögreglu upplýsingar sem leiddu til þess að lögregla endurheimti hluta þýfisins og er málið nú í rannsókn.
Lögregla var kölluð til vegna umferðarslyss en þar reyndist vera um að ræða rafhlaupahjólaslys. Lögreglu berst tilkynning um að bifreið hafi verið ekið á gám. Þegar lögregla kom á staðinn var þar maður við bifreiðina í annarlegu ástandi og var hann handtekinn grunaður um að hafa ekið bifreiðinni þegar áreksturinn varð.
Lögregla sinnti útkalli þar sem bifreið hafði verið velt í íbúðahverfi. Tveir voru í bifreiðinni þegar bifreiðin valt og voru báðir vistaðir í fangaklefa í þágu rannsóknar málsins.
Þá var tilkynnt var um öskrandi mann með hníf. Maðurinn var handtekinn og var hann í annarlegu ástandi og ógnandi en þó ekki vopnaður.
Tilkynnt var um eld í íbúðarhúsi. Lögregla fór á vettvang ásamt slökkviliði, sem tókst að ráða niðurlögum eldsins. Ökumaður var stöðvaður í akstri grunaður um akstur undir áhrifum fíkniefna. Sá framvísaði ökuskírteini en reyndist vera án ökuréttinda.
Lögregla kölluð til vegna umferðarslyss en þar hafði verið ekið á gangandi vegfaranda. Sá virtist ekki mikið meiddur við skoðun á vettvangi. Lögregla kölluð til vegna umferðarslyss en þar höfðu tvær bifreiðar lent í árekstri. Eitthvað um slys á farþegum í bifreiðunum en ekki eri vitað um alvarleika þeirra.