Ormar Þór Guðmundsson arkitekt er látinn en hann var 89 ára gamall. Mbl.is greinir frá andláti hans.
Ormar fæddist á Akranesi árið 1935 og var elstur í hópi fimm systkina en foreldrar hans voru Pálína Þorsteinsdóttir og Guðmundur Björnsson.
Eftir að hafa lokið framhaldsskólagöngu á Ísland hélt hann til Stuttgart í Þýskalandi þar sem hann lærði arkitektúr í Tækniháskólanum í Stuttgart. Stuttu seinna hélt hann svo til Bandaríkjanna og lauk meistarapróf í Harvard.
Ormar hannaði á ævi sinni mörg þekktustu hús landsins og er hægt að nefna Verzlunarskóla Íslands, Fellaskóla og Flensborgarskólann í þeim efnum. Þá hannaði arkitektastofan sem hann stofnaði Eiðstorg á Seltjarnarnesi en Ormar var þekktur fyrir að hanna hús í brútalískum stíl. Þá var hann tvívegis formaður Arkitektafélags Íslands.
Íþróttir spiluðu stórt hlutverk í lífi Ormars en hann þótti góður körfuboltamaður á sínum yngri árum ásamt því að stunda skíða, tennis, golf, sund og fjallaferðir.
Ormar lætur eftir sig eiginkonu og fjögur börn.