- Auglýsing -
Fjórir menn eru í haldi lögreglunnar eftir hnífaárás sem átti sér stað í Grafarholti í nótt. Ekki liggur fyrir hvort mennirnir hafi slasast alvarlega eða hvort árásin tengist skotárásinni sem átti sér stað í Silfratjörn í október síðastliðnum.
Lögregla rannsakar nú hvort árásin í nótt tengist árásinni sem átti sér stað á Litla-Hrauni í gær. Líkt og Mannlíf hefur greint frá slasaðist fangi alvarlega í gær eftir að samfangi hans réðst að honum og stakk hann ítrekað. Maðurinn var í kjölfarið fluttur á sjúkrahús en hann mun ekki vera í lífshættu.