Asil al Masri, 17 ára stúlkan sem missti fjölskylduna sína í árás Ísraelshers á Gaza, fær íslenskan ríkisborgararétt. Bróðir hennar býr hér á landi.
Á síðustu dögum Alþingis fyrir jólafrí fengu tuttugu erlendir ríkisborgarar íslenskan ríkisborgararétt en samkvæmt RÚV er þar á meðal er hin 17. ára Asil al Masri, frá Palestínu. Sagt var frá henni í fjölmiðlum í lok nóvember en hún dvelur nú á Egypsku sjúkrahúsi eftir að hafa missti fótlegg í loftárás Ísraelshers. Öll fjölskylda hennar lést í árásinni, fyrir utan bróður hennar, Suleiman al Masri, en hann býr á Íslandi og hefur gert í nokkur ár. Vonuðust systkinin eftir því að sameinast og nú er komið í ljós að af því verður.
„Við glötuðum öllu á Gaza. Við eigum ekki hús og enga fjölskyldu. Hún er undir átján ára og enn barn,“ sagði Suleiman í samtali við RÚV. Sagði hann að systir sín væri einmana, undir gríðarlegu álagi og hafi gengið í gegnum mikinn missi.
Sjálf vonast Asil eftir því að fá gervifót á Íslandi. Þá dreymir hana um frekara nám á Íslandi en hún hefur náð góðum árangri í námi og vill halda áfram. „Mig dreymir um að geta stundað nám án þess að vera í hjólastól. Það er von mín.“