Á undanförnum misserum hefur Páll ritað umtalsvert um „þekktan“ blaðamann og sem „sinni trúnaðarstöfum“ og sakað hann um að svíkja undan skatti. Í nýrri bloggfærslu sviptir Páll Vilhjálmsson hulunni af umræddum blaðamanni:
„Raunar er það helst að frétta af fimm fræknum sakborningum RSK-miðla að þeir eru árlega drekkhlaðnir verðlaunum frá Blaðamannafélagi Íslands hvers formaður stundar útleigu á Airbnb er kallaði á skattrannsókn“.
Sigríður Dögg Auðunsdóttir er sitjandi formaður Blaðamannafélagsins. Hún er landsmönnum velkunn sem fréttamaður hjá RÚV og þekkt fyrir að vera óvægin þegar á reynir og krefja viðmælendur sína svara.
Páll hefur fram til þessa staðhæft að ónafngreindur blaðamaður, hafi um árabil ekki gefið tekjur af Airbnb íbúðum sínum, upp til skatts. Hann hefur að auki sagt að skattrannsóknarstjóri hafi fengið upplýsingar um útleigu fasteigna Íslendinga fyrir árin 2015 til 2018 í gegnum vef og greiðslukerfi Airbnb.
Vill Páll meina að leigutekjur Sigríðar Daggar hafi numið tugum milljónum króna en að henni hafi verið gert að greiða vangoldinn skatt með 25 prósenta álagi.
Páll sem harðlega gagnrýnir vinnubrögð íslenskra fjölmiðla í blogginu sínu lýkur færslu sinni léttúðlega og gantast:
„Netflix-serían Fimm fræknir sakborningar og Airbnb-drottningin gæti orðið áhugaverð. Drög að handriti liggja fyrir í haust.“
Mannlíf hefur reynt að ná sambandi við Sigríði Dögg Auðunsdóttur, til að gefa henni færi á að svara þessum alvarlegu ásökunum Páls, en án árangurs. Þá hefur Sigríður Dögg hvorki svarað síma né tölvupóstum.
Sjá nánar:
Páll með alvarlegar ásakanir á hendur blaðamanni: „Hann er á flótta“