Hópferðabíll fyrirtækisins Viking Bus ehf. lýsti upp veginn þegar eldur hafði kviknað í honum klukkan 11:07 í dag, austan við Þingvallavatn. Rútan var full af farþegum þegar eldsvoðinn átti sér stað.
Brunavörnum Árnessýslu barst tilkynning rétt fyrir hádegi í dag og segir Pétur Pétursson, slökkvuliðsstjóri í samtali við Mbl.is, rútuna líklega hafa verið á ferð er kviknaði í, þar sem rútan sat á miðjum veginum. Pétur segir erfitt að vita til um eldsupptökin.
Sendu Brunavarnirnar frá sér tvo slökkvuliðsbíla og einn tankbíl að sögn Péturs. Þá var send önnur rúta til að flytja farþegana áfram.
„Við vitum ekki til þess að það hafi orðið slys á fólki og allir komust út úr rútunni af sjálfsdáðum,“ sagði Pétur ennfremur.
Eldurinn barst í gróður í kring um rútuna en vel tókst að ráða niðurlögum eldsins.
Ekki náðist í Viking Bus ehf. við vinnslu fréttarinnar.