Sannfærður um að Kristrún fari í samstarf við Sjálfstæðisflokkinn: „Sorglegt en líklega satt“

Jón Þór Ólafsson, fyrrverandi þingmaður Pírata, segist tilbúinn að veðja stórum upphæðum á að Samfylkingin muni fara í samstarf við Sjálfstæðisflokkinn undir stjórn Kristrúnar Frostadóttur. Næsta víst er að Kristrún verði næsti formaður Samfylkingarinnar, enda ein í framboði. Jón Þór telur svo gott sem öruggt að fyrr en seinna muni Kristrún mynda ríkisstjórn ásamt Sjálfstæðisflokknum.

Hann segir þetta ósköp einfalt reikningsdæmi. „Hægri krati + Samstöðustjórnmál = Samfylkingin styður Sjálfstæðisflokkinn aftur til valda og Samfylkingarfólk fær að borða skít í 4 ár – Sorglegt en líklega satt.“

Hann segist tilbúinn  að veðja upp á þetta. „Ég skal taka veðmáli 1 á móti 10 að XD verður ekki útilokað fyrir næstu kosningar eins og síðast ef hún verður formaður XS “

Jón Þór bætir svo við að eftirfarandi tilvitnun í Kristrúnu í viðtali við Kjarnann segi allt sem segja þarf.

„- Viðbót –

Var að rekast á þetta nýja viðtal við Kristrúnu á Kjarnanum. Hún segir:

„Að hún sé þeirra skoð­unar að það sé ekki skyn­sam­legt að móta fyr­ir­fram ein­hvers­konar stjórn­ar­sam­starf áður en kosið sé. […] Það sem ger­ist oft í þess­ari úti­lok­un­arpóli­tík er að það fer allt að snú­ast um hina flokk­anna. Þá sem eru úti­lok­að­ir. […] Það er auð­vitað alveg aug­ljóst að það eru sumir flokkar sem eru að fara að verða erf­ið­ari en aðrir í slíku sam­starfi. En ég sé ekki ástæðu fyrir því að fara í stórar yfir­lýs­ingar hvað það varð­ar­.““