Sautján ára gamall unglingur lést og starfsmaður slasaðist í eldsvoða sem kom upp á meðferðarheimlinu Stuðlum snemma í morgun.
Samkvæmt RÚV var hinn látni 17 ára gamall piltur sem var vistaður á neyðarvistunardeild Stuðla.
Barna- og fjölskyldustofa harmar í yfirlýsingu að hafa ekki tryggt öryggi barnsins.
Fram kemur í frétt RÚV að eldurinn hafi kviknað í herbergi á neyðarvistunardeild Stuðla en slökkvistarf gekk vel. Tildrög brunans er ekki kunn og lögreglurannsókn á frumstigi.
Ráðstafanir hafa verið gerðar fyrir þau börn sem vistuð voru á Stuðlum og hefur áfallateymi Rauða krossins verið kallað út.
Fram kemur einnig í yfirlýsingunni að þar sem húsnæði Stuðla sé nú skemmt sé ekki unnt að halda þar úti hefðbundinni þjónustu. Samkomulag hafi verið gert við SÁÁ um tímabundið afnot af húsnæði á Vogi en þar hafi verið hliðrar til svo hægt sé að bregðast við stöðunni sem upp er komin, á meðan á viðgerð á Stuðlum stendur yfir.
Húsnæðið sem Stuðlar fær til afnota er hægt að aðskilja frá almennri starfsemi á Vogi, þar sem sérfræðingar Stuðla og Barna- og fjölskyldustofu geta áfram hlúð að börnunum sem þar sækja þjónustu. Viðgerðum á húsnæði Stuðla verður flýtt eins mikið og hægt er og er lögð áhersla á að ljúka uppbyggingu annarra meðferðarúrræða sem hefur verið unnið að.