Fjármálastöðugleikanefnd Seðlabankans gaf frá sér yfirlýsingu í dag. Ber þar helst að nefna töluverðar breytingar sem verða á skilmálum nýrra fasteignalána. Breytingarnar munu taka gildi frá og með morgundeginum.
Lækka hámark lána fyrstu kaupenda
Ákveðið hefur verið að lækka hámark veðsetningarhlutfalls fasteignalána fyrir fyrstu kaupendur í 85% sem áður hefur verið 90%.
Viðmið vaxta í greiðslumati
Viðmið vaxta við útreikning greiðslubyrgðar verður að lágmarki 3% fyrir vexti verðtryggðra íbúðalána og 5.5% fyrir óverðtryggð íbúðalán.
Lánstími verðtryggðra fasteignalána styttur
Hámarkslánstími við útreikning greiðslubyrgðar fyrir verðtryggð lán verður styttur úr 40 árum niður í 25 ár.
Er nefndin með þessu að varðveita fjármálastöðuleika þannig að fjármálakerfið geti staðist áföll, miðlað lánsfé og greiðslum og dreifa áhættu.
Meðal ástæðna breytinganna segir í yfirlýsingunni „Gæta þarf þess að vaxandi efnahagsumsvifum fylgi ekki yfirdrifin áhættusækni og óhóflegur vöxtur útlána sem gæti veikt viðnámsþrótt fjármálakerfisins. Verði bakslag í alþjóðlegum efnahagsbata gæti það haft áhrif á fjármálastöðugleika hér á landi.“
Hér má lesa yfirlýsinguna í heild