Kristinn Hrafnsson líkir vestrænum ríkisstjórnum við Adolf Eichmann, háttsetts foringja SS-sveitar Nasista, sem sagðist bara hafa hlýtt skipunum í seinni heimstyrjöldinni.
Alþjóðadómstóllinn í Haag komst að bráðabirgðaniðurstöðu í þjóðarmorðsmáli Suður Afríku gegn Ísrael, í dag en þar er Ísrael gert að reyna mun betur að koma í veg fyrir mannsfall saklausra borgara á Gaza. Þeim er þó ekki gert að hætta árásum.
Kristinn Hrafnsson, ritstjóri Wikileaks skrifaði færslu í dag af því tilefni en hann segir bráðabirgðaniðurstöðurnar gætu breytt pólitísku landslagi „sem smám saman er að sligast í áttina að því að hætta algeru og ömurlegu afskiptaleysi.“ Bætir hann við að íslensk stjórnvöld, með Bjarni Benediktsson í broddi fylkingar í utanríkismálum, ættu að taka eftir þessari þróun. „Nema Bjarni vilji stríð við almenning sem hann getur ekki annað en tapað,“ skrifar Kristinn og heldur áfram: „Almenningur hlustar með hryllingi á staðreyndir sem lagðar voru fyrir Alþjóðadómstólinn eins og þá sem situr fast í hugskoti mínu: „Á hverjum degi er fótur eða báðir fætur skornir af 10 börnum á Gaza, oftar en ekki án deyfingar“. Staldrið við þá mynd.“
Þá segir Kristinn að vestrænar ríkisstjórnir leiki hlutverk þekkts nasista og er harðorður í garð Katrínar Jakobsdóttur og Bjarna Benediktssonar. „Vestrænar ríkisstjórnir leika hlutverk Adolfs Eichmanns, skósvein Þriðja ríkisins, sem yppti öxlum í réttarhöldunum í Ísrael og sagðist bara hafa fylgt skipunum á meðan Hannah Arendt lýsti honum sem aumlegri lyddu í greiningu sinni um lágkúru illskunnar. Brosgrettur Katrínar Jakobsdóttur þegar hún talar um vandann við flækjur málsins er birtingarform lágkúru illskunnar alveg eins og reiðilegar gaslýsingar Bjarna Benediktssonar þegar hann smokrar sér undan íslenskri ábyrgð á að bjarga fólki undan þjóðamorði með því að skjóta sér á baki við skjöld lægstu og lágkúrulegustu hvata í pólitísku litrófi, rasisma og fasisma.“
Að lokum minnist hann á uppreisn sem 79 diplómatar í finnsku utanríkisþjónustunni gerðu fyrir hálfum mánuði þar sem Elina Valtonen, utanríkisráðherra Finnlands var harðlega gagnrýnd fyrir afstöðuleysi vegna ástandsins á Gaza. Segir hann að uppreisnin virðist hafa haft áhrif því í gær hafi Valtonen gagnrýnt Ísraelsstjórn harðlega „og sagði að hún gæti á engan hátt réttlætt slátrunina á Gaza og ábyrgð á hörmulegum aðbúnaði íbúa, með röksemdum um sjálfsvörn. „Það er nóg komið“, sagði Valtonen.“
Að lokum biðlar Kristinn óbeint til starfsmanna íslensku utanríkisþjónustunnar um að fara að fordæmi kollega sinna í Finnlandi: