Björn Birgisson segir að Morgunblaðið fái kartöflu í skóinn og líði illa vegna þess.
Samfélagsrýnirinn Björn Birgisson skýtur föstum skotum á Morgunblaðið í nýlegri Facebook-færslu. Hana skrifaði Björn í tilefni „ekkifréttar“ mbl.is um svaraleysi þingmanna þeirra flokka sem nú reyna að mynda ríkisstjórn.
„Mogganum líður illa og fær ekkert í skóinn!
Hann hamast við að reyna að finna bresti og glufur á stjórnarmyndun Samfylkingar, Viðreisnar og Flokks fólksins en eðlilega vilja þingmenn þessara flokka ekkert tala við þann ríkisstyrkta snepil, sem á enga heitari ósk en að núverandi stjórnarmyndun mistakist!
Strundum er vitnað í símtöl við fólk, en Mogginn fær bara kartöflu í skóinn og vitnar réttilega til þess að þingmenn þessara flokka vilji ekkert við blaðið tala.
Alveg dæmigerð ekki frétt!“
Að lokum spyr Björn, sem oftar en ekki hittir naglann þráðbeint á höfuðið, af hverju fólk ætti að vilja tala við Morgunblaðið.
„Því skyldi þetta fólk vilja ræða við Moggann til að láta afbaka og snúa út úr ummælum sínum?
Hlægilegir tilburðir!“Skjáskot sem Björn birtir með færslunni.
