Björn Birgisson segir ástandið á ríkisstjórnarheimilinu vera fáránlegt.
Samfélagsrýnirinn frá Grindavík, Björn Birgisson skrifaði færslu eftir að landsfundi Vinstri grænna lauk í gær en hann segir VG hafa fallið á prófinu. Segist hann stöðuna hjá ríkisstjórninni nú vera fáránlega.
„VG féll á prófinu og fylgistapið heldur bara áfram.
Þingmenn stjórnarflokkanna þriggja eru sammála um tvennt:
Annars vegar að ekki komi til greina að stjórnin sitji áfram eftir kosningar.
Hins vegar að ekki sé tímabært að kjósa nú!
Þetta er ærið skondin staða.
Fáránleg raunar.“
Björn segir að lokum að stjórnin sé að sýna þjóðinni fingurinn.
„Hvernig ætlar þetta fólk að komast í gegn um þingveturinn, algjörlega ósammála um flest þau málefni sem þarf að leysa?
Með svona skrípaleik og háttarlagi er verið að sýna þjóðinni fingurinn, einmitt þegar hún þarf á styrkri ríkisstjórn að halda.
Löglegt en algjörlega siðlaust sagði maðurinn forðum.“