- Auglýsing -
Björn Birgisson segir upptöku evru geta lagað vaxtamál þjóðarinnar.
Samfélagsrýnirinn orðhagi Björn Birgisson talar um húsnæðismál í nýrri Facebook-færslu. Þar talar hann um það sem margir Íslendingar hafa áhyggjur af en það er okrið og háir vextir í þessum málaflokki.
„Húsnæðismál.
Það er eðlilega stöðugt verið að ræða hversu erfitt er að eignast húsnæði í dag vegna dýrtíðar, okurs og þó aðallega vegna hárra vaxta.
Oft hefur verið rætt um að þjóðin eignist og reki samfélagsbanka, banka sem rekinn er sem óhagnaðadrifin lánastofnun.
Sem þýðir að hann taki ekki háa vexti til að skila margra milljarða hagnaði á hverjum ársfjórðungi.
Hann taki vexti sem duga, en skapi ekki ofsagróða.“
Þannig hefst færsla Björns en hann segir því næst að til sé einn banki í eigu íslensku þjóðarinnar, sem hann segir vera sömu „okurbúlluna“ og hinir bankarnir.
„Nú á þjóðin einn banka, Landsbankann.
Í dag er hann að elta hina bankana og hækka himinháa vexti enn meir.
Þjóðin á 98% í Landsbankanum.
Samfélagsbanki?
Nei, sama okurbúllan og hinir bankarnir.
Okurbúlla í eigu þjóðarinnar.“
- Auglýsing -
Að lokum spyr Björn:
„Hvort er mikilvægara:
Að unga fólkið okkar geti eignast húsnæði og þurfi ekki að flýja landið til þess – eða að Landsbankinn græði einhverja milljarða á hverjum ársfjórðungi?
Með upptöku evru myndu þessi vaxtamál snarlagast.“