Ungur maður var dæmdur sekur í héraðsdómi Austurlands í gær „fyrir kynferðislega áreitni, með því að hafa aðfaranótt 14. ágúst 2022, inni í herbergi, strokið yfir rass A og strokið yfir og káfað á kynfærum hennar, allt utanklæða, þar sem hún lá upp í rúmi.“
Brotaþoli og gerandi voru í sama vinahópi. Vinateiti var haldið heima hjá brotarþola en hún bjó hjá þáverandi unnusta sínum og fjölskyldu hans. Gerandinn er frændi unnusta brotaþola. Í viðurvist tveggja vina sinna káfaði hann á brotaþola, bæði á rassi og kynfærum en hann hélt að hún væri sofandi. Vinirnir tveir voru að spila tölvuleik og sneru baki í brotaþola og geranda. Eitthvað var um neyslu áfengis í gleðskapnum en ekki er að fullu ljóst hversu mörg þeirra voru undir áhrifum. Nokkuð víst þykir þó að gerandinn hafi verið talsvert ölvaður.
„Aðspurður af rannsakara um afstöðu til kæruefnisins og hvort hann hefði brotið gegn brotaþola svaraði ákærði samkvæmt skýrslu lögreglu: „Ég veit ekki hvað ég á að segja sko. … Já, ég alveg geri það sko. …Og væntanlega sé ég eftir því sko. …Og ekki bara það heldur þú veist ég bara, þetta, þetta er bara svo heimskulegt finnst mér að kæra mig fyrir þetta af því að ég eyðilagði ekki líf þeirra sko, þau, eru að eyðileggja lífið mitt akkúrat núna sko…. Bara þau eru að dreifa þessu og, og í gegnum allan skólann sko. …Milli vina og vinkvennanna bara já. Var að segja að ég sé perri fyrst af öllu,“ segir í dómi.
Ákærði neitaði sök og sagðist einungis hafa snert mjöðm brotaþola í tilraun til að vekja hana.
„Hún var að athuga hvað við vorum að gera, en rotaðist bara í rúminu. … Og ég var að segja bæ við E og C hjá tölvunni og svo sá ég hana (brotaþola) kreppta saman í rúminu, eins og það væri eitthvað að þannig að ég greip utan um mjöðmina og var eitthvað að hrista hana til eitthvað, … pínu … bara að tékka á hvort að væri ekki lagi með hana. … ég kallaði bara nafnið hennar og sagði bara; „Halló“ … Og svo bara var hún ekkert að svara og var ekkert að opna augun … þegar ég var að kalla 15á hana. … Hún bara lá þarna uppi í rúmi, … með sængina pínu yfir sig … á milli hnjáa og mittis … og var eiginlega hálf sofandi sko … hún var í buxum, hún var íbol, hún var bara í öllum fötum sko.“ Nánar aðspurður neitaði ákærði þeirri frásögn brotaþola að hann hefði í greint sinn komið við líkama hennar á kynferðislegan hátt í um hálfa mínútu. Ákærði staðhæfði að fyrrgreind snerting hans hefði aðeins varað í um 5 sekúndur, og áréttaði að hann hefði ekki strokið yfir rass brotaþola og þá ekki strokið yfir og káfað á kynfærum hennar, utan klæða.“
Ákærði nefndi fyrir dómi skilaboð sem brotaþoli sendi honum stuttu eftir atburðinn. Hann sagðist vera „leiður og svekktur“ yfir skilaboðunum sem voru að hans sögn ljót.
Ákærði: „Er ekki hægt að sættast?/tala.“
Brotaþoli: „Nei.“
Ákærði: „Af hverju ekki?“
Brotaþoli: „Þú káfaðir a mer. Þu kafaðir a mer af þvi þu helst að þu myndir komast upp með það af því ég virtist vera sofandi. Það er virkilega ogeðslegt.“
Ákærði: „Það er bara so sorry svo mikið bull. Af hverju ætti ég að gera það með C og E í sama herbergi??? … Plús ert með frænda mínum … Ég vil ekki að þetta fari svona.“
Brotaþoli: „Æ æj. Grey þú.“
Ákærði: „Er ekki best að tala.“
Brotaþoli: „Nei.“
Ákærði: „með C. (unnusti brotaþola)“
Brotaþoli: „Láttu mig vera.“
Ákærði. „Nei.“
Brotaþoli: „Ég vil líka að þú vitir að ég er búin að fara með þetta til lögreglunnar og D sagði sína sögu. Ég er að fara í skýrslutöku á morgun. Hættu svo að fokking tala við mig ogeðslegi helvitis aumingi. Rotnaðu í helvíti … Þú att verra skilið en bara kæru. Sættu þig bara fokking við það að þú er creep að þu ert aumingi Og að Enginn mun fokking lita sömu augu a þig.“
Ákærði: „Ég vil alveg virkilega ekki að þetta fari svona.“
Brotaþoli: „Þú gerði eitthvað ogeðslegt faceaðu það …“ Ákærði: „Og hvað mun koma fá þessu.“
Brotaþoli: „?“
Ákærði var dæmdur sekur og gert að greiða brotaþola hálfa milljón í skaðabætur. Einnig var honum gert að greiða allan málskostnað sem hljómaði upp á rúmar 2,2 milljónir. Hann fékk tveggja mánaða skilorðsbundinn fangelsisdóm.
Dóminn má sjá í heild sinni hér.