Sigmundur Davíð Gunnlaugsson, fyrrverandi forsætisráðherra, er allt annað en sáttur með þá tillögu Sigríðar Friðjónsdóttur ríkissaksóknara að Helgi Magnússon Gunnarsson vararíkissaksóknari verði leystur tímabundið frá störfum en hann hefur kærður af hjálparsamtökunum Solaris fyrir ummæli sín um hælisleitendur og innflytjendur.
„Það eina sem stoppar þá er hnefinn, valdbeiting. Ekki er alls staðar sú sama afstaða til laga og réttar og hjá okkur. En við verðum að sætta okkur við það,“ sagði Helgi Magnús við Vísi en hann hefur lengi þótt umdeildur í starfi og hafa ýmis ummæli Helga í gegnum tíðina farið fyrir brjóstið á hinum almenna borgara.
„Það má ekki verða niðurstaðan að Helgi Magnús Gunnarsson verði hrakinn úr embætti vararíkissaksóknara að kröfu öfgamanna! Maðurinn hefur mátt þola margra ára hótanir gagnvart sjálfum sér og fjölskyldu sinni án eðlilegra viðbragða eða stuðnings frá yfirvöldum,“ skrifaði formaður Miðflokksins á samfélagsmiðilinn Facebook um málið en Sigmundur þurfti einmitt sjálfur að segja af sér sem forsætisráðherra vegna Wintris-málsins svokallaða eftir mikinn þrýsting frá íslensku þjóðinni og alþingismönnum.