Sigmundur Þórisson, rafmagnsiðnfræðingur og fyrrum formaður Knattspyrnufélags Akureyrar er látinn, 78 ára að aldri. Sigmundur fæddist 30. mars 1946 í Reykjavík en lést á Hjúkrunarheimilinu Hlíð á Akureyri 20. september síðastliðinn.
Akureyri.net segir frá andlátinu.
Foreldrar Sigmundar voru þau Þórir Högni Bergsteinsson múrarameistari og Þuríður Sigmundsdóttir, húsmóðir og skrifstofumaður. Systkini hans eru þau Svava Ragnhildur Eatough, fædd 1. apríl 1940, búsett í Bandaríkjunum og Örn Þórisson, fæddur 3. janúar 1958, búsettur í Reykjavík.
Sigmundur kvæntist sérkennaranum Minnie Eggertsdóttur, fædd 13. maí 1946, þann 9. ágúst 1969 en þau slitu samvistir árið 2004.
Synir Sigmundar og Minnie eru:
1) Freyr Gauti fæddur 17. janúar, 1972 en hann er bæklunarskurðlæknir búsettur í Svíþjóð. Eiginkona hans er Sylvía Húnfjörð tannlæknir. Börn þeirra eru: Halldóra Minnie fædd 2006, Kara Dögg fædd 2007 og Þórir Steinn fæddur 2009.
2) Eggert Högni fæddur 21. febrúar 1974 en hann er sjávarútvegsfræðingur búsettur á Akureyri. Sambýliskona hans er Árný Þóra Ármannsdóttir náms- og starfsráðgjafi. Með fyrrverandi konu sinni Sólrúnu Óladóttur á Eggert synina: Tómas Frey fæddur 2001, Ísak Óla fæddur 2004 og Egil fæddur 2013.
3) Þórir Svavar fæddur 6. mars 1979 svæfinga- og gjörgæslulæknir búsettur í Reykjavík. Eiginkona hans er Hulda Steingrímsdóttir viðskiptafræðingur. Synir þeirra eru: Þorri Steinn fæddur 2007, Elís Agnar fæddur 2011 og Axel Sigmar fæddur 2014.
Fram kemur á Akureyri.net að Sigmundur hafi lokið sveinsprófi í rafvélavirkjun frá Iðnskólanum í Reykjavík 1968 og útskrifast sem rafmagnsiðnfræðingur frá Tækniskóla Íslands 1971. Frá 1971 til 1974 starfaði hann sem rafmagnsiðnfræðingur hjá Rafmagnsveitu Reykjavíkur og sem yfireftirlitsmaður hjá Rafmagnseftirliti ríkisins frá 1974. Þá var hann umdæmiseftirlitsmaður með aðsetur á Akureyri frá 1977 þar til rafmagnseftirlitið var lagt niður. Sigmundur starfaði eftir það hjá Rafmagnsveitum ríkisins og sat meðal annars í stjórn félags eftirlitsmanna með raforkuvirkjun frá 1988 til 1990.
Sigmundur var afar áhugasamur um íþróttir og gengdi trúnaðarstörfum fyrir íþróttahreyfinguna og var sæmdur fjölda heiðursmerkja fyrir störf sín. Þegar Sigmundur var ungur lék hann handbolta með KR en eftir að fjölskyldan flutti norður á Akureyri fylgdi hann sonum sínum eftir í íþróttum og gerðist KA maður. Árið 1987 var Sigmundur kosinn í stjórn Knattspyrnufélags Akureyrar og var formaður félagsins frá 1989 til 1998. Þá var hann heiðursfélagi frá 2008. Er hann gengdi formennsku stóð hann meðal annars fyrir byggingu íþróttahúss KA og tók þátt í hraðri uppbyggingu félagsins í fjölmörgum íþróttagreinum ásamt fleira góðu fólki.
Útför Sigmundar Þórissonar fer fram frá Akureyrarkirkju föstudaginn 4. október kl. 13.00.