Miðstjórn Sjálfstæðisflokksins ákvað á fundi sínum í dag að landsfundur Sjálfstæðisflokksins fari fram á áðurboðuðum tíma dagana 28. febrúar – 2. mars n.k. í Laugardalshöll en greint er frá þessu í tilkynningu frá flokknum.
„Landsfundur fer með æðsta vald í málefnum Sjálfstæðisflokksins. Á fundinum er forysta flokksins kjörin og fyrir liggur að nýr formaður verður kosinn í ljósi þess að Bjarni Benediktsson hefur tilkynnt að hann gefi ekki kost á sér áfram.
Frestur félaga og ráða til að kjósa fulltrúa á fundinn er til og með 14. febrúar n.k.“
Það stefnir í því áhugaverðan landsfund fyrir Sjálfstæðisflokkinn en sumir innan flokksins vildu fresta honum fram á haust. Nýr formaður verður kjörinn á fundinum en Bjarni Benediktsson hefur gefið það út að hann muni ekki sækjast formannsstólum áfram og eru líklegustu einstaklingarnir til að sig bjóða fram Guðlaugur Þór Þórðarson, Guðrún Hafsteinsdóttir, Áslaug Arna Sigurbjörnsdóttir og Þórdís Kolbrún Reykfjörð Gylfadóttir.