Sjötíu prósent þeirra sem tóku þátt í nýjum Þjóðarpúlsi Gallup, þar sem spurt var um viðhorf fólks til áhrifa COVID-19, segjast forðast faðmlög og kossa og meirihlutinn hefur breytt venjum sínum til að forðast smit. Fjölgað hefur í hópi þeirra sem telja að heilbrigðisyfirvöld og almannavarnir geri of lítið til að bregðast við faraldrinum.
Þeim hefur þó fækkað sem breytt hafa venjum sínum til að forðast smit, en 90 prósent aðspurðara svara því játandi að þeir þvoi eða spritti hendur sínar oftar eða betur en þeir gerðu áður. Kjósendur Framsóknarflokksins og Vinstri grænna eru duglegastir við að þvo og spritta, 97 prósent þeirra segjast þvo sér oftar en áður um hendurnar, og sama gildir um 80 prósent af kjósendum Miðflokksins.
22 prósent þeirra sem spurðir voru í Þjóðarpúlsinum óttast að smitast af COVID-19 og 27 prósent hafa áhyggjur af heilsufarslegum áhrifum sjúkdómsins á Ísland.
RÚV greinir frá.