Rúv segir að Árnmar hafi verið sakfelldur fyrir alla ákæruliði; tvær tilraunir til manndráps, húsbrot, eingnaspjöll, vopnalagabrot, brot í nánu sambandi og brot gegn valdstjórninni. Voru skotvopn Árnmars gerð upptæk og hann dæmdur til að greiða skaðabætur og miskabætur.
Sjá einnig: Áfallamiðstöð opnuð á Egilsstöðum eftir skotárás – Maðurinn liggur þungt haldinn
Eins og Mannlíf fjallaði um ítarlega síðasta sumar, hótaði Árnmar þáverandi sambýliskonu sinni með skammbyssu á heimili þeirra í Fellabæ. Eftir það fór Árnmar til Egilsstaða, að húsi barnsföður sambýliskonunnar og hugðist, samkvæmt dómnum, að bana barnsföðurnum. Hann var ekki heima en tveir synir hans og sambýliskonu Árnmars voru það. Beindi hann hlaðinni haglabyssu að sonunum en þeim tókst að flýja út. Árnmar skaut þá á muni innandyra og á tvo bíla fyrir utan húsið. Að lokum skaut hann að tveimur lögreglumönnum og högl úr byssu hans lentu á vegg og rúðum húss á móti. Lauk atburðarásinni á þann hátt að lögreglan skaut Árnmar í kviðinn eftir að hann hafði beint haglabyssu að lögreglumanninum og ekki hlýtt ítrekuðum skipunum lögreglunnar um að leggja niður vopn.
Var hann fluttur með sjúkraflugi til Reykjavíkur þar sem tókst að bjarga lífi hans.
Mannlíf ræddi við verjanda Árnmars, Þórð Má Jónsson og spurði hvað honum fyndist um dóminn. „Ég vil ekki tjá mig um hann að öðru leiti en að segja að honum verði áfrýjað. Er ekki sáttur við að hann hafi verið dæmdur fyrir alla ákæruliðina, tel hann hafa átt að vera sýknaður af ákveðnum ákærulið.“
Aðspurður um það hvaða ákæruliður það væri svaraði Þórður: „Tilraun til manndráps.“