- Auglýsing -
Umfangsmikið fíkniefnamál kom upp hjá lögreglunni um helgina en þrír eru í gæsluvarðhaldi.
Mikið magn fíkniefna fannst um borð í skútu undan suðurströnd Íslands um helgina. Tveir voru handteknir um borð í skútunni og sá þriðji í landi. Þeir hafa allir verið úrskurðaðir í gæsluvarðhald til 4. júlí á grundvelli rannsóknahagsmuna að kröfu Lögreglunnar á höfuðborgarsvæðinu.
Við aðgerðirnar naut embættið aðstoðar Landhelgisgæslunnar, tollgæslu, lögreglunnar á Suðurnesjum og sérsveitar ríkislögreglustjóra.
Ekki er hægt að veita frekari upplýsingar um rannsókn málsins að svo stöddu.