- Auglýsing -
Sólveig Anna Jónsdóttir segir ástandið á Gaza vera „svik við mennskuna“.
Verkalýðsforinginn Sólveig Anna Jónsdóttir er mikill stuðningsmaður Palestínumanna sem nú lifa í helvíti á jörð, Gaza. Í nýrri færslu skrifar hún tilfinningaþrungin orð um ástandið þar en ofan á stanslausar sprengju- og skotárásir Ísraelshers, er nú hafin hungursneið á Gaza-ströndinni. Segir Sólveig Anna að þetta sé svik við meðal annars lífið, mennskuna og almættið.
Færsluna má lesa hér:
„Svik við mannkyn. Svik við mennskuna. Svik við lífið. Svik við söguna. Svik við almættið. Svik við sálir okkar.
Hve lengi á að leyfa Ísrael og Ameríku að myrða fólkið í Palestínu? Hversvegna er ekkert gert? Erum við öll ekkert annað en undirsátar sjúks heimsveldisins og leppríkis þess? Hvenær höfum við samþykkt að vera á mála hjá morðingjum og sadistum? Hvenær höfum við samþykkt að gefa eftir mennsku okkar? Aldrei!
Vopnahlé strax! Frelsið fólkið á Gaza! Lifi frjáls Palestína!“